tirano – ផ្ទះតារា – PHTEASDARA

អៀ ម៉េងលិ ឡើងកាលីបប៉ះតារាចម្រៀងសេម នៅ០០៩

tirano — Wed, 25 Apr 2018 02:46:38 +0000

កាលពីល្ងាចថ្ងៃទី២៤ មេសា ផលិតកម្មបាដិហារ្យបានបើកសម្ពោធភាពយន្តរឿង«០០៩»របស់ខ្លួនជាផ្លូវការនៅផ្សារទំនើបសុរិយា ដោយមានតារាមួយចំនួនទាំំងជាតួសម្ដែង និងតារាជាភ្ញៀវកិត្តិយសចូលរួម។ នេះជាភាពយន្តដែលជួយរំលេចអោយតារាសម្ដែង និងតារាចម្រៀង កញ្ញា អៀ ម៉េងលិ ឡើងកូដគួរអោយកត់សម្គាល់ ដោយសារតែនាងបានគ្រងតំណេងជាតួឯក ហើយជាតួអង្គក្នុងរឿងវាយតប់ និងស្នេហាជាមួយតារាចម្រៀងសេម ទៅទៀត។

កញ្ញា អៀ ម៉េងលិ ដែលត្រូវគេស្គាល់ថាជាកូនស្រីថៅកែបោះដុំទាំងក្នុង និងក្រៅប្រទេស បានអះអាងថា នេះជាលើកទី១ដែលកញ្ញាមានឱកាសបានសម្ដែងក្នុងភាពយន្តខ្នាតធំ ហើយជារឿងដែលមានឈុតឆាកវាយតប់ ស៊ើបអង្កេត និងស្នេហាយ៉ាងស៊ីជម្រៅ ដែលនាងបញ្ជាក់ថាមិនធ្លាប់បានសម្ដែងបែបនេះទាល់តែសោះ។

នៅក្នុងភាពយន្តរឿង«០០៩»នេះ នាងត្រូវគេអោយដើរតួជាមួយតារាចម្រៀងសេម ហើយក៏មានឈុតតឆាកឌឺដង និងស្នេហាច្រើនវគ្គផងដែរ ដោយមិនទាន់រាប់បញ្ចូលឈុតឆាកលោតហក់ និងស៊ើបអង្កេតមួយចំនួន ដែលតម្រូវអោយនាងសម្ដែងបានយ៉ាងលំបាកនៅក្នុងផ្ទៃរឿង។ នាងថានេះជាស្នាដៃសម្រាប់បើកទំព័រ២០១៨ តែមិនមែនជាភាពយន្តចុងក្រោយនោះទេ ដោយសារតែនាងក៏មានគម្រោងសម្ដែងនៅក្នុងភាពដែលកំពុងទាក់ទងជាច្រើនទៀត ដោយគ្រាន់តែមិនទាន់ចង់បង្ហើបអោយដឹងជាផ្លូវការនៅឡើយ។

ភាពយន្តនេះមួយរឿង«០០៩»នាងថាសម្ដែងបានដោយលំបាកណាស់ ហើយបើទោះជានាង និងលោក សេម មិនធ្លាប់បានសម្ដែងជាមួយគ្នានៅក្នុងភាពយន្តបែបនេះ តែក៏លេងបានស៊ីសង្វាក់នឹងគ្នាមិនធម្មតានោះដែរ ជាពិសេសឈុតឆាកស្នេហា ដើម្បីអោយសាច់រឿងទាំងមូលល្អមើល។

លោក ស៊ុម ភារិន ម្ចាស់ផលិតកម្មបដិហារ្យភាពយន្ត បានអះអាងថា ភាពយន្តមួយនេះ លោកបាននិពន្ធ និងសម្រិតសម្រាំងឡើង ដើម្បីអោយតារាសម្ដែងលោកសេម បានធ្វើតួឯក និងថែមទាំងផ្ដល់កិត្តិយស អោយលោកសេម ធ្វើការជ្រើសរើសតារាសម្ដែងស្រីដែលចង់សម្ដែងជាមួយផង ដោយលោកសរសើរថាគ្រាន់តែជួបកញ្ញា អៀ ម៉េងលិ ក្នុងការធ្វើតេស្ដ៍បើកឆាកក៏ស្នើអោយលោកយកនាងមកលេងតួឯកតែម្ដង។ លោកថាភាពយន្តនេះបានចំណាយពេលផលិតច្រើនខែ ដោយសារតែក្នុងរឿងទាំងមូល បានរំលេចនូវក្បាច់គុនល្បុកត្តោ និងបានជ្រើសយកកីឡាករកីឡាការិនីល្បុកត្តោរាប់មិនអស់យកមកសម្ដែង ដើម្បីអោយឈុតឆាកវាយតប់រស់រវើក និងបានទាំងចំណាយទុនអស់ច្រើនផង។ ក្រោយការប្រកាសសម្ពោធភាពយន្តទាំងមូល នឹងសម្រេចដាក់បញ្ចាំងលក់សំបុត្រទាំងភ្នំពេញ និងខេត្តសៀមរាប ចាប់ពីព្រឹកថ្ងៃទី២៦ មេសា តទៅ ដោយលោករំពឹងយ៉ាងខ្លាំងថា អ្នកនិយមទស្សនាភាពយន្តខ្មែរ នឹងគាំទ្រខ្លាំងក្លានូវភាពយន្តនេះ ដែលជាស្នាដៃកូនខ្មែរនោះផង។

នៅក្នុងថ្ងៃសម្ពោធនោះ តារាជាច្រើនត្រូវគេឃើញបង្ហាញមុខ ដោយមានទាំងតារាជាភ្ញៀវកិត្តិយស មិនមែនជាតារសម្ដែងបង្ហាញខ្លួនផងដែរ៖

ធ្លាប់តែឃើញសម្ដែង តោះមកស្ដាប់ ភឹម តារាវិបុល ច្រៀងប្រូម៉ូតខ្លួនឯងម្ដងមើល

tirano — Tue, 10 Apr 2018 10:26:18 +0000

អ្នកស្នេហាវិស័យភាពយន្តខ្នាតធំ និងភាពយន្តភាគទូរទស្សន៍ ប្រហែលមិនមានអ្នកគាំទ្រច្រើនទេ ចាប់អារម្មណ៍ពីសមត្ថភាពច្រៀង របស់តារាសម្ដែង លោក ភឹម តារាវិបុល។ អ៊ីចឹង ហើយទើបក្នុងពិធីសម្ពោធភាពយន្តរឿង”ម្ចាស់បំណុល” របស់ផលិតកម្មមហាហង្ស ដែលត្រៀមចាក់ផ្សាយនៅ PNN កាលពីរសៀលថ្ងៃទី ៦ មេសា ហាក់ធ្វើឲ្យម្នាក់ៗ ភ្ញាក់អារម្មណ៍ខ្លាំង នៅពេលលោក បកស្រាយ បទចម្រៀង ២បទ ដើម្បីប្រូម៉ូតខ្លួនឯងនោះ។

វេទិកាដែលមានផលិតករ និងតួសម្ដែងយ៉ាងច្រើនកុះករ នារសៀលនោះ មិនត្រឹមតែប្រូម៉ូតស្នាដៃរឿង”ម្ចាស់បំណុល” ដែលមានចំនួន៤៦ភាគ និងត្រៀមចាក់ផ្សាយចាប់ពីថ្ងៃទី២០ មេសា ក្រោយចូលឆ្នាំប៉ុណ្ណោះទេ ប៉ុន្តែកម្មវិធីនេះទាំងមូល ក៏ផ្ដោតជាសំខាន់លើការប្រូម៉ូតតួឯកប្រុសស្រី តាមរយ:ឲ្យអ្នកទាំងពីរបកស្រាយបទចម្រៀង កណ្ដាលវេទិកាផងដែរ។ លោក ភឹម តារាវិបុល តួឯកប្រុស ដែលកន្លងមកស្ទើរមិនដែលឮលោក បកស្រាយបទចម្រៀងទាល់តែសោះនោះ បានច្រៀងបទចម្រៀង២បទ ហើយបទរបស់លោក ក៏ជាបទល្បីរបស់លោក ព្រាប សុវត្ថិ ដែលអ្នកណាក៏សរសើរថា លោកច្រៀងមិនចាញ់តារាចម្រៀងអាជីព។ តារារូបនេះបញ្ជាក់ថា ខ្លួនក៏មានសមត្ថភាពអាចច្រៀងបានមិនចាញ់អ្នកអាជីពផងដែរ ប៉ុន្តែបណ្ដាលមកពីមិនដែលមានឱកាស និងម្យ៉ាងចង់ចាប់អាជីពសម្ដែងឲ្យខ្លាំងតែមួយមុខ ទើបលោកមិនដែលរវល់នឹងអាជីពច្រៀង។ យ៉ាងណាមិញ លោក អ៊ិន សុភិន ម្ចាស់ផលិតកម្មបានអះអាងថា នឹងផ្ដល់ឱកាសឲ្យលោក ភឹម តារាវិបុល បកស្រាយបទចម្រៀងសម្រាប់ដាក់ក្នុងភាពយន្តដែលលោកសម្ដែង នាពេលខាងមុខ បន្ទាប់ពីលោក បញ្ចេញសមត្ថភាពច្រៀងបានល្អ នៅក្នុងពិធីនេះ។

ចង់ដឹងថា លោក ភឹម តារាវិបុល នៅពេលបកស្រាយបទចម្រៀង តើប្លែកត្រចៀកប៉ុណ្ណា សូមចុចស្ដាប់ទាំងអស់គ្នា៖

Gareth Bale និយាយពីផែនការផ្លាស់ទៅក្របខ័ណ្ឌ Chinese Super League

tirano — Wed, 28 Mar 2018 04:40:23 +0000

យោងតាមរបាយការណ៍របស់ The Mirror កាលពីថ្ងៃអាទិត្យបានឱ្យដឹងថាកីឡាករល្បឿនលឿន Gareth Bale បានសារភាពថា គាត់កំពុងពិចារណាក្នុងការចូលរួមជាមួយក្រុមចិន នៅក្របខ័ណ្ឌកំពូលរបស់ប្រទេសចិន (Chinese Super League)។

Bale ក៏បានតំណាងឱ្យក្រុមជម្រើសជាតិវេល នៅក្នុងប្រកួតមិត្តភាពនៅក្នុងទីក្រុងណាននីង (Nanning) ប្រទេសចិនផងដែរ តែត្រូវបានបរាជ័យ ទល់នឹង អ៊ុយរូហ្គាយ ០ទល់១ ក្នុងវគ្គផ្តាច់ព្រ័ត្រកាលពីថ្ងៃច័ន្ទ បន្ទាប់ពីបានផ្តួលម្ចាស់ផ្ទះចិន ៦-០ ក្នុងការប្រកួតដំបូង។

ខ្សែបម្រើប្រយុទ្ធរូបនេះ បាននិយាយថា៖ “វាជាប្រទេសដ៏អស្ចារ្យមួយដែលមានមនុស្សអស្ចារ្យ” នៅក្នុងអំឡុងពេលអនាគតខ្ញុំមិនប្រាកដទេ ។ “ប៉ុន្តែខ្ញុំប្រាកដថាប្រសិនបើខ្ញុំផ្លាស់មក ខ្ញុំនឹងត្រូវបានមើលថែរក្សាយ៉ាងល្អ។ “នៅពេលដែលខ្ញុំមកប្រទេសចិន គឺតែងតែទទួលបានការរាក់ទាក់ដ៏អស្ចារ្យបែបនេះពីអ្នកគាំទ្រចិន។ ពួកគេបានស្វាគមន៍យើងទាំងអស់គ្នាមិនគ្រាន់តែខ្ញុំទេ។ ពួកគេមើលថែយើងយ៉ាងខ្លាំង។

ទោះបីជាទទួលបានភាពជោគជ័យយ៉ាងធំធេងនៅក្លិប Real Madrid ក៏ដោយក៏កីឡាករវ័យ ២៨ ឆ្នាំរូបនេះ ហាក់បីដូចជាមិនប្រាកដប្រជាមួយអនាគតរបស់ខ្លួននៅឯកីឡដ្ឋាន Santiago Bernabeu ទៀតទេ ហើយដំណែង ១១ នាក់ដំបូងក៏មិនអាចធានាបានដែរ នៅរដូវកាលក្រោយ។

ទោះបីជាយ៉ាងណាក៏ដោយ Bale ដែលកិច្ចសន្យារបស់គាត់នឹងត្រូវបានផុតកំណត់នៅឆ្នាំ ២០២២ ត្រូវបានគេរាយការណ៍ថាបានប្រាប់ក្លិបថាគាត់នឹងពិចារណាពីការចាកចេញពីទីក្រុង ម៉ាឌ្រីដ នឹងចូលរួមជាមួយក្រុមអឺរ៉ុប ដ៏សំខាន់មួយផ្សេងទៀត៕

តារាចម្រៀងសេម ស្ងាត់ៗលេចមុខជាមួយតួអង្គ៣ទៀតយ៉ាងកាលីប ក្នុងរឿង០០៩

tirano — Wed, 28 Mar 2018 04:11:13 +0000

ខណ:ដែលតារាចម្រៀងលោកសេម ត្រូវគេសម្គាល់ថាស្ងប់ស្ងាត់ពីការខ្ទរខ្ទារក្នុងការបញ្ចេញបទចម្រៀងច្រើនឡើងនាពេលចុងក្រោយ លោកបែរជាកាន់តែលេចធ្លោរក្នុងការសម្ដែងភាពយន្តជាជំនួសទៅវិញ។ លោកត្រូវគេឃើញបានតំណែងតួឯកក្នុងភាពយន្តរឿង«០០៩»យ៉ាងកាលីប ដោយលោកបានបង្ហាញអារម្មណ៍ជឿជាក់ថាស្នាដៃថ្មីរបស់ខ្លួននឹងទទួលបានជោគជ័យភ្លូកទឹកភ្លូកដី ក្នុងពេលដាក់បញ្ចាំងជាផ្លូវការនៅចុងខែមេសាខាងមុខនោះផង ខណ:តួសម្ដែង៣រូបផ្សេងទៀត ក៏បានបង្ហាញពីក្ដីរំពឹងបែបនេះដូចគ្នា។

លោក សេម និយាយថា នៅក្នុងភាពយន្តរឿង«០០៩»លោកមិនត្រឹមតែសម្ដែងជាតួក្រមិចក្រម៉ើម និងបង្ហាញពីស្នេហារ៉ូមេទិកជាមួយតួស្តីប៉ុណ្ណោះទេ តែលោកក៏បានសម្ដែងជាតួវាយទាត់ធាក់ ដោយសារតែលោកគឺជាអ្នកការពារសំណាញ់ច្បាប់មួយរូបក្នុងរឿងផងដែរ។ លោកថាមួយរឿងនេះគ្រាន់តែចំណាយពេលថត និងហ្វឹកហាត់ក្បាច់គុនគឺជិតមួយឆ្នាំ ដោយការសម្ដែងក្នុងរឿងទាំងមូលក៏ពិបាកណាស់ដែរ ទម្រាំបានបញ្ចប់ អ៊ីចឹងហើយទើបលោកចាត់ទុកថានេះជាភាពយន្តបើកឆាកដែលលោកបានសម្ដែងជាប្រភេទAction ដែលលោកត្រូវវាយតប់ផង និងរៀនតាំងពីកាន់កាំភ្លើងផង ដែលមិនមែនជារឿងងាយស្រួល។

លោករំពឹងយ៉ាងខ្លាំងថានឹងទទួលបានជោគជ័យ ដោយប្រកាសថាក្រោយពីភាពយន្តនេះដាក់បញ្ចាំងរឿងនេះចប់សព្វគ្រប់ គឺលោកនឹងងារកមកគិតគូររឿងផលិតបទចម្រៀងវិញម្ដង។

កញ្ញា អៀ ម៉ីលិក តារាស្រីដែលបានសម្ដែងរឿងនេះដូចគ្នាបានសម្ដែងពីផលវិបាកក្នុងរឿង«០០៩» ដោយនៅក្នុងរឿងនេះ នាងត្រូវថតឈុតវាយផង និងកាន់កាំភ្លើងផង តែនាងតែតស៊ូសម្ដែងរហូតទទួលបានជោគជ័យគ្រប់ឈុតដោយមិនឲ្យផលិតករខកចិត្តនោះទេ។ កញ្ញាថា សប្បាយចិត្តដែលបានរួមសម្ដែងជាមួយតារាចម្រៀងសេម ហើយអ្វីដែលនាងពេញចិត្តគឺពេលសម្ដែងជាមួយលោកគឺលោកមានការយោគយល់ខ្លាំង ដោយមិនប្រកាន់ថានាងគឺជាតួថ្មីនោះឡើយ។

លោកគ្រូវិរ: វត្តថាន់ បានអះអាងថានៅក្នុងរឿងនេះ លោកសម្ដែងវាយតប់សុទ្ធតែជាមួយគ្នាច្រើនតែម្ដង ទើបលោករំពឹងថានឹងមានការចាប់អារម្មណ៍ក្នុងពេលភាពយន្តមួយនេះនឹងដាក់បញ្ចាំងនៅចុងខែមេសាក្រោយចូលឆ្នាំ។

លោក ស៊ុម ភារិន ចាងហ្វាងផលិតកម្មបដិហារ្យភាពយន្ត និងជាតួសម្ដែងមួយរូបក្នុងរឿង«០០៩»បានអះអាងថា នេះជារឿងទី៤របស់ផលិតកម្ម តែជារឿងទី១បានធ្វើជាប្រភេទបាញ់ប្រហារ ដោយភាពយន្តនេះគឺលោកនិពន្ធដោយផ្ទាល់ ហើយសាច់រឿងទាំងមូលក៏ថ្មី និងប្លែកពីរឿងផ្សេងដោយមិនមានប្លង់ចម្លងពីភាពយន្តណាឡើយ។ ភាពយន្តនេះត្រូវបានផលិតឡើងរយ:ពេល១ឆ្នាំ ហើយចំពោះដើមទុនក៏ចំណាយច្រើនដែរ ដោយសារសំបូរឈុតបាញ់ប្រហារ និងថតច្រើនខេត្តក្រុងនោះ៕

ដោយសារបញ្ហាធ្មេញ សុខ សីឡាលីន សម្រេចចិត្តបិទភ្នែកចោលទីផ្សារសម្ដែង

tirano — Wed, 28 Mar 2018 04:09:06 +0000

ក្នុងបទសម្ភាន៍ដាច់ដោយឡែកមួយជាមួយនឹងភ្នាក់ងារសារព័ត៌មាន Post News តារាចម្រៀងហង្សមាសកញ្ញា សុខ សីឡាលីន បានអះអាងថាកញ្ញាទទួលបានសិទ្ធិថតរឿងនៅប៉ុស្ដិ៍ហង្សមាស មិនខុសពីតារាមួយចំនួនរួមមានអ្នកនាង ពេជ្រ សោភា និងខាត់ សុឃីម នោះទេ ប៉ុន្តែបណ្ដាលមកពីនាងមានបញ្ហារឿងធ្មេញទើបសម្រេចច្រានចោល។ នាងថារហូតដល់ចុងឆ្នាំ២០១៨ ឬដើមឆ្នាំ២០១៩ ទើបកញ្ញាអាចទទួលសម្ដែងបាន ដោយរង់ចាំឲ្យសម្រស់ធ្មេញរបស់នាងលែងមានបញ្ហាសិន។

កញ្ញាបានថ្លែងក្នុងវេទិកាប្រគំតន្ត្រី«TV5 Carabao Spark Concert » កាលពីថ្ងៃទី២៥ មីនា ថា កញ្ញានៅតែមានបទថ្មីនៅក្នុងផលិតកម្មហង្សមាសបន្តស្ដុក និងចេញលក់ដដែលនោះទេ បើទោះជាមើលសភាពខាងក្រៅថាហង្សមាសទម្លាក់ដៃមិនសូវលើកស្ទួយចំពោះនាងក្ដី។ ក្នុងនោះសូម្បីតែគម្រោងឲ្យនាងសម្ដែងកុន ក៏មានច្រើនដែរ ប៉ុន្តែត្រូវបានច្រានចោលដោយហេតុផលនាងជាប់ពត់ធ្មេញ ដែលមិនអាចឲ្យនាងទទួលថតទាំងនៅជាប់របាំងពត់ធ្មេញក្នុងពេលនេះបាន។ នាងថាធ្មេញរបស់ខ្លួនទើបតែបានសម្រេចចិត្តពត់ដំរ៉ង់ប៉ុណ្ណោះ ដោយតាមគម្រោងគឺរហូតដល់អំឡុងពេលចុងឆ្នាំ ឬដើមឆ្នាំ២០១៩ឯណោះ ទើបដល់កំណត់ដោះចេញ។

កញ្ញាបញ្ជាក់ថាមុនពេលពត់ធ្មេញកញ្ញាត្រូវបានហង្សមាសជ្រើសឲ្យសម្ដែងភាពយន្តដូចគ្នា ប៉ុន្តែដោយសារតែការស្នើសុំនោះត្រូវបានធ្វើឡើងក្រោយពេលនាងជជែកពីរឿងពត់ធ្មេញជាមួយពេទ្យជំនាញរួចហើយ ទើបកញ្ញាសុខចិត្តជូនពាក្យវិញ ហើយសម្រេចចិត្តពត់ធ្មេញតែម្ដង។ កញ្ញាបានបង្ហាញពីការសោកស្ដាយ តែថាកញ្ញាក៏មិនអាចបន្តឲ្យសម្រស់របស់ខ្លួនស្រុតចុះ ព្រោះតែស្ដាយសិល្ប:នោះដែរ ទើបនាងទទួលយកការពត់ធ្មេញឲ្យបានល្អសិន ចាំទទួលយកការសម្ដែងតែម្ដង។

នៅក្នុងវេទិកាបង្ហាញខ្លួននៅប៉ុស្ដិ៍លេខ៥នោះ កញ្ញា សុខ សីឡាលីន នៅតែរស់រវើកក្នុងការបញ្ចេញក្បាច់រាំ ដោយគេឃើញបទចម្រៀងរបស់នាងគឺមានបទភ្លេងកន្ត្រាក់ៗគួរឲ្យចង់រាំខុសពីតារាមួយចំនួនផង។

កញ្ញាត្រូវបានអ្នកចូលរួមនៅក្នុងវេទិកានោះគាំទ្រពេញទំហឹង ខណ:ដែលនាងក៏បានប្រកាសថាក្រោយពេលធ្មេញរបស់នាងត្រូវបានដោះប្រដាប់ពត់រឹតធ្មេញរួចរាល់ នោះនាងមិនត្រឹមតែចេញមុខក្នុងការសម្ដែងភាពយន្តឲ្យហង្សមាសប៉ុណ្ណោះទេ តែក៏ត្រៀមបញ្ចេញស្នាដៃសិល្ប:ឲ្យពេញទំហឹងផងដែរ។

កញ្ញាថាក្នុងរយ:ពេលពត់ធ្មេញ បានធ្វើឲ្យកញ្ញាបោះបង់ការងារអស់ជាច្រើនដោយសូម្បីតែការងារថតស្ពត ក៏កញ្ញាមិនទាន់ទទួលនោះដែរ គឺមិនមែនចោលតែកម្មវិធីសម្ដែងភាពយន្តរបស់ហង្សមាសទេ៕

វិធីសាស្ត្រងាយៗ ជួយធ្វើស្បែកមុខសម៉ត់រលោង

tirano — Wed, 28 Mar 2018 04:03:45 +0000

ការថែរក្សាស្បែករង្វង់មុខឲ្យនៅតែស្រស់ស្អាត និងមានសុខភាពល្អ ពិតជាចាំបាច់ណាស់ សម្រាប់នារីៗ និងបុរសនាពេលបច្ចុប្បន្ន។ ហេតុដូចនេះ អ្នកប្រាកដជាចង់ដឹងហើយថា គួរធ្វើដូចម្ដេចខ្លះ ទើបទទួលបានស្បែកមុខ ស្រស់ស្អាត និងគួរឲ្យទាក់ទាញនោះ? សូមកុំបារម្ភ ខាងក្រោមនេះ ជាវិធីសាស្ត្រងាយៗ ដែលមិនចាំបាច់ចំណាយច្រើននោះទេ។

ទឹកអង្ករ: បន្ទាប់ពីអ្នកលាងសម្អាតមុខ នៅពេលយប់រួច យកទឹកអង្ករមកលាបនៅលើផ្ទៃមុខ ទុកចោលរយ:ពេល ៥ ទៅ ១០ នាទី រួចលាងជម្រះចេញ ជាមួយនឹងទឹកធម្មតាចេញ។ អនុវត្តបែបនេះ ជារៀងរាល់ថ្ងៃ អាចជួយបំបាត់ស្នាមអុជខ្មៅ ឬជាំនៅលើស្បែកមុខ បានយ៉ាងមានប្រសិទ្ធភាព ជាពិសេសថែមទាំងជួយធ្វើឲ្យមុខរបស់អ្នកស និងទន់ម៉ត់រលោងទៀតផង។

ចេក: យកចេកមកកិនឲ្យម៉ត់ រួចលាយជាមួយទឹកដោះគោបន្តិច ហើយយកមកលាបនៅលើផ្ទៃមុខ ដោយធ្វើចលនាម៉ាស្សាថ្នមៗ ហើយទុកវាចោលរយ:ពេល ២០ ទៅ៣០ នាទី ទើបលាងចេញ។ អនុវត្តបែបនេះ ពីរ ឬបីដងក្នុងមួយសប្តាហ៍ អាចជួយឲ្យស្បែកមុខសម៉ត់រលោង និងថែមទាំងជួយបំបាត់ស្នាមប្រហោងនៅលើផ្ទៃមុខ បានទៀត៕

ទឹកដូងស្រស់ផ្ដល់អត្ថប្រយោជន៍ល្អបំផុត សម្រាប់សុខភាព និងសម្ផស្ស

tirano — Wed, 28 Mar 2018 04:01:07 +0000

បរទេស: ចង់ទទួលបាននូវអត្ថប្រយោជន៍ល្អ ពីទឹកដូងស្រស់ គួររៀនពីរបៀបនៃការផឹកវា ដើម្បីទទួលបានផលប្រយោជន៍ល្អអំពីវា។

ខណ:ពេលរដូវក្ដៅនេះ គ្មានអ្វីប្រសើរ ជាជាងការផឹកទឹកដូងត្រជាក់ ស្រស់មួយកែវនោះទេ។ តើអ្នកមានដឹងទេថា ទឹកដូងផ្ដល់ផលប្រយោជន៍អ្វីខ្លះ សម្រាប់សុខភាព និងសម្ផស្សរបស់យើងនោះ?

– ជួយធ្វើឲ្យស្បែកស្រស់ថ្លា

– សម្រក់ទម្ងន់

– កាត់បន្ថយភាពឈឺចាប់ និងការកើតមុន

– បង្កើនប្រព័ន្ធភាពសុាំ

– ជួយដល់ប្រព័ន្ធរំលាយអាហារ

ចំណាំ៖

– មិនត្រូវយកទឹកដូងចេញពីផ្លែ រួចបរិភោគសាច់ដូងអំទ្បុងពេលរដូវក្ដៅនោះទេ។

– កុំពិសាទឹកដូងភ្លាមៗ ខណ:ពេលត្រូវពន្លឺព្រះអាទិត្យយូរ ព្រោះវា អាចឲ្យអ្នកមានអារម្មណ៍ថា ឃ្លាន ហើមពោះ ឬក្តៅខ្លួនបាន។

– អ្នកជំងឺដែលមានសម្ពាធឈាមទាប និងរលាកសន្លាក់ឆ្អឹងជាពិសេសស្ត្រីមានផ្ទៃពោះ ក្នុងត្រីមាសដំបូង គួរកុំទទួលទានទឹកដូង៕

បានកម្រៃស្ដើងពីសិល្ប: តែពិធីការិនី ណាណា ប្រកាសបើកជំនួញ មុឺនដុល្លារ

tirano — Wed, 28 Mar 2018 03:56:38 +0000

ទើបតែបានលេខមុខនៅប៉ុស្តិ៍លេខ៣ បានមួយរយ:សោះ ពិធីការិនី កញ្ញា ភោគ វឌ្ឈនា ហៅណាណា បានប្រកាសបើកជំនួញយ៉ាងកាលីប ដោយចំណាយដើមទុនរហូតដល់មុឺនដុល្លារ។ នាងថែមទាំងប្រកាសពីការបើកសម្ពោធឲ្យធំ ដើម្បីបង្អួតពីអាជីវកម្មដំបូងរបស់ខ្លួននោះផង។

កញ្ញា ណាណា បានអះអាងថា នាងពិតជាគម្រោងបើកហាងសាឡន និង ហាងថែរក្សាសម្ផស្សទ្រង់ទ្រាយធំបន្ថែមពីលើអាជីពជាពិធីការិនីនោះមែន។ កញ្ញាថា ហាងរបស់ខ្លួន ចំណាយអស់ដល់ខ្ទង់មុឺនដុល្លារ ដោយគ្រាន់តែទីតាំងបើកហាងស្ថិតនៅតំបន់បឹងកេងកងនោះ ក៏ចំណាយយ៉ាងខ្ពស់ទៅហើយ។ កញ្ញា នៅតែប្រកាសមិនចោលសិល្ប:នោះទេ ខណ:ដែលដើមទុនក្និងការបើកហាងក៏ត្រូវបាននាងប្រកាសថាជាថវិកាផ្ទាល់ខ្លួន ។ បើទោះជាមានការលើកឡើងថា ដើមទុនបើកហាងរបស់នាង អាចមានអ្នកណាម្នាក់ជ្រោមជ្រែងខាងក្រោយខ្នង ក៏នាងនៅតែប្រកាសថា មិនមានបុរសណាម្នាក់ជួយនាង ឲ្យបានហាងសាឡង និងថែរក្សាសម្រស់ នៅម្ដុំបឹងកេងកងនោះទេ។ នាងថាអាជីវកម្មរបស់ខ្លួន មានយីហោថា «RN Gold Salon» ដោយក្រៅពីមានទ្រង់ទ្រាយជាហាងសាឡន ក៏មាននាំចូលផលិតផលថែរក្សាសម្រស់ដែលនឹងនាំចូលនៅក្រៅប្រទេសផងដែរ។

កញ្ញា ណាណា បន្តថា អាជីពសិល្ប:មិនជួយឲ្យនាងរកចំណូលបានច្រើននោះទេ ទើបនាងសម្រេចចិត្តបង្កើតជំនួញហាងសម្រស់ ដោយមិនខ្វល់ថាមុខរបរនេះ មានការប្រកួតប្រជែងខ្លាំង ហើយប្រឈមនឹងរឿងក្ស័យធននោះទេ ដោយសារតែមុនបើកហាង នាងមានការសិក្សាច្បាស់លាស់ ហើយក៏មានយុទ្ធសាស្ត្រប្រកួតប្រជែងច្បាស់លាស់៕

ស្ងាត់ៗ តារាចម្រៀង លុន សុីឡូ រៀបការបាត់

tirano — Wed, 28 Mar 2018 03:54:10 +0000

កាលពីល្ងាចថ្ងៃទី២៣ មីនា តារាចម្រៀង Original Song លោក លុន សុីឡូ ដែលត្រូវគេស្គាល់ច្រើនតាមរយ:សកម្មភាពសប្បុរសធម៌ បានរៀបការហើយ ខណ: ដែលលោកមិនធ្លាប់ប្រកាសឲ្យដឹងពីទំនាក់ទំនងស្នេហាក្រៅសង្វៀនសិល្ប:កន្លងមក។ អាពាហ៍ពិពាហ៍នេះ ត្រូវបានធ្វើឡើងដោយបើកចំហរនៅស្រុកមេសាង ក្នុងខេត្តព្រៃវែង ដោយក្រៅពីភ្ញៀវកិត្តិយស ក៏មានវត្តមានតារាមួយចំនួនចូលរួមផងដែរ។

លោក លុន សុីឡូ បានបង្ហោះនៅលើហ្វេសប៊ុកឲ្យដឹងថា លោកបានសម្រេចចិត្តរៀបការ ដើម្បីបញ្ចប់ជីវិតនៅលីវហើយ ដោយមិនខ្វល់ពីការធ្លាក់កូដសម្រាប់អាជីពចម្រៀងឡើយ។ បន្ថែមពីលើការរបង្ហោះ លោកថា ភរិយាលោក និង លោក បានស្គាល់គ្នាប្រមាណជា៦ឆ្នាំ ហើយក្រោយពីទាក់ទងស្រឡាញ់គ្នា លោក ក៏បានយកនាងមកគ្រប់គ្រងហាងផឹកសុីបែបបារាំងរបស់ខ្លួនមួយកន្លែង ដែលមិនខុសពីការសន្សំលុយចូលគ្នាផង។

ភរិយារបស់លោក មានឈ្មោះថា ផាត់ ស្រីនាង ខណ:ដែលនាងក៏ធ្លាប់ប្រកាសថា បើទោះជារៀបការហើយ ក៏មិនឲ្យលោក លុន សុីឡូ បញ្ចប់អាជីពចម្រៀងនោះដែរ។ លោក លន់ សុីឡូ ក៏បានបញ្ជាក់ថា នឹងបន្តបញ្ចេញបទចម្រៀងនិពន្ធថ្មី ដោយមិនឲ្យស្ងាត់ បើទោះខ្វះការគាំទ្រ ខុសពីពេលលោក មិនទាន់រៀបការ ឬ យ៉ាងណាក្ដី។ លោកថា អាជីពសិល្ប:គ្រាន់តែបំពេញក្ដីស្រឡាញ់ប៉ុណ្ណោះ ដូច្នេះហើយទើបលោក មិនខ្វល់ពីរឿងធ្លាក់កូដ ឬ កើនឡើងជាងមុននោះឡើយ បន្ទាប់ពីរៀបការហើយ៕

YouTube កំពុងសាកល្បងមុខងារ Picture-in Picture ដែលគ្រប់គ្នាទន្ទឹងចង់បាន!

tirano — Wed, 28 Mar 2018 03:51:23 +0000

យោងតាមប្រភពព័ត៌មានពី 9to5google បានឱ្យដឹងថា ក្រុមហ៊ុន Google កំពុងដាក់សាកល្បងមុខងារថ្មីមួយឈ្មោះ Picture-in-Picture ដែលអនុញ្ញាតឱ្យអ្នកប្រើប្រាស់ទស្សនាវីដេអូក្នុង YouTube ខណ:ខ្លួនកំពុងបើកដំណើរការកម្មវិធីដទៃផ្សេងទៀតបាន នៅលើគេហទំព័រកុំព្យូទ័រ។

ប្រភពដដែលឱ្យដឹងបន្ថែមថា ក្រុមហ៊ុនកំពុងចាប់ផ្តើមបើកមុខងារនេះចេញទៅដល់អ្នកប្រើប្រាស់មួយចំនួន ហើយប្រសិនបើលោកអ្នកមានសំណាងឋិតក្នុងចំណោមពួកគេ លោកអ្នកនឹងអាចចាក់វីដេអូលើគេហទំព័រ YouTube ដោយចុចត្រង់ណាក៏បាននៅលើផ្ទាំងកម្មវិធីរបស់វា។ ពេលនោះ វីដេអូនឹងនៅតែបន្តដំណើរការ និងអណ្តែតលើជ្រុងខាងក្រោមផ្នែកខាងស្តាំនៃអេក្រង់ ហើយឈ្មោះរបស់វានឹងបង្ហាញឡើងខាងក្រោមផ្ទាំងកម្មវិធី និងមានរូបតាងមួយនៅខាងក្រោមផ្នែកខាងស្តាំ សម្រាប់អនុញ្ញាតឱ្យលោកអ្នកគ្រប់គ្រងលើវីដេអូនោះ។

ទោះយ៉ាងណាការសាកល្បងនេះ គឺធ្វើឡើងនៅលើតែអ្នកប្រើគណនី YouTube Red ប៉ុណ្ណោះ។ ប៉ុន្តែដោយសារតែមុខងារនេះមានសារប្រយោជន៍ខ្លាំង ដែលគ្រប់គ្នាចង់បាននោះ គេសង្ឃឹមថា Google នឹងបញ្ចេញវាទៅដល់អ្នកប្រើប្រាស់បណ្តាញសង្គមវីដេអូរបស់ខ្លួនទូទៅតែម្តងនាពេលដ៏ខ្លីខាងមុខ និងសម្រាប់ទាំងអ្នកប្រើប្រាស់លើទូរសព្ទចល័តផងដែរ៕

tirano – ផ្ទះតារា – PHTEASDARA

អៀ ម៉េងលិ ឡើង​កាលី​ប​ប៉ះ​តារាចម្រៀង​សេម នៅ០០៩

ធ្លាប់តែឃើញសម្ដែង តោះមកស្ដាប់ ភឹម តារាវិបុល ច្រៀងប្រូម៉ូតខ្លួនឯងម្ដងមើល

Gareth Bale និយាយ​ពី​ផែនការ​ផ្លាស់​ទៅ​ក្របខ័ណ្ឌ Chinese Super League

តារាចម្រៀង​សេម ស្ងាត់ៗលេចមុខ​ជាមួយ​តួអង្គ៣ទៀត​យ៉ាង​កាលី​ប ក្នុង​រឿង០០៩

ដោយសារ​បញ្ហា​ធ្មេញ សុខ សីឡា​លីន សម្រេចចិត្ត​បិទ​ភ្នែក​ចោល​ទីផ្សារ​សម្ដែង

វិធីសាស្ត្រងាយៗ ជួយ​ធ្វើ​ស្បែក​មុខ​ស​ម៉ត់​រលោង

ទឹកដូង​ស្រស់​ផ្ដល់​អត្ថប្រយោជន៍​ល្អ​បំផុត សម្រាប់​សុខភាព និង​សម្ផស្ស

បាន​កម្រៃ​ស្ដើង​ពី​សិល្ប: តែ​ពិធី​ការិនី ណា​ណា ប្រកាស​បើក​ជំនួញ មុ​ឺ​ន​ដុល្លារ

ស្ងាត់ៗ តារាចម្រៀង លុន សុ​ី​ឡូ រៀបការ​បាត់

YouTube កំពុង​សាកល្បង​មុខងារ Picture-in Picture ដែល​គ្រប់គ្នា​ទន្ទឹង​ចង់បាន!