ប្រទេស​រុស្ស៊ី ធ្វើ​សមយុទ្ធ​យោធា​នៅក្នុង​តំបន់មួយ ជិត​ព្រំដែន​ប្រទេសអ៊ុយ​ក្រែ​ន

​រុស្ស៊ី៖ ក្រុម​អ្នក​បាញ់​ស៊ី​ប និង​កងកម្លាំង​កងពល​តូច​កាំភ្លើង​វែង នៃ​អង្គភាព​យោធា​ភាគខាងត្បូងរបស់​ប្រទេស​រុស្ស៊ី បានធ្វើ​សមយុទ្ធ​យោធា​នៅក្នុង​តំបន់ Rostov ជិត​ព្រំដែន​ប្រទេសអ៊ុយ​ក្រែ​ន​។​ ​ទាហាន​នៃ​កងពលតូច​កាំភ្លើង​វែង​បាន​ហ្វឹកហាត់​ ដើម្បី​គ្រប់គ្រង​ប្រព័ន្ធ​ការពារ​ដែនអាកាស​ចល័ត ខណៈដែល​ក្រុម​អ្នកបាញ់​ស៊ី​ប​បាន​ប្រើការ​បាញ់ប្រហារ​លើ​គោលដៅ​របស់​ពួកគេ​។

មន្ត្រី​ប្រទេស​អ៊ុយ​ក្រែ​ន និង​ប្រទេស​លោកខាងលិច​បាន​និយាយ​ម្តង​ហើយ​ម្តងទៀត នូវ​កង្វល់​របស់​ពួកគេ​ជុំវិញ​ការបង្កើន​យោធា​របស់​​រុស្ស៊ី​នៅ​ជិត​ប្រទេស​អ៊ុយ​ក្រែ​ន ដែល​អាច​បង្ហាញ​ពី​ផែនការ​របស់​ទីក្រុង​ម៉ូស្គូ​ ក្នុងការ​ឈ្លានពាន​ប្រទេសជិតខាង​ជា​អតីតសហភាពសូវៀត​របស់​ខ្លួន​។ វិមាន​ក្រឹម​ឡាំងបាន​ទទូចថា ខ្លួន​គ្មាន​ចេតនា​ឈ្លានពានតាម​ការចោទប្រកាន់​នេះ​ទេ ​ហើយ​បាន​ចោទ​ប្រទេស​អ៊ុយ​ក្រែ​ន ​និង​អ្នកគាំទ្រ ប្រទេសលោកខាងលិច​របស់ខ្លួន​ថា ​កំពុង​ព្យាយាម​បិទបាំង​នូវ​ផែនការ​ឈ្លានពាន​របស់​ខ្លួន​ផ្ទាល់​។ ​ទីក្រុង​ម៉ូស្គូ​បានបង្ហាញ​ការទាមទារ​របស់ខ្លួន​ក្នុងពេល​មាន​ភាព​តានតឹង​កើនឡើង​ ដែល​បង្កឱ្យមាន​ការព្រួយបារម្ភ​នៃ​ការ​លុកលុយ​ដែល​អាច​កើតមាន ហើយ​បានចាត់ទុក​ការពង្រីកខ្លួន​របស់អង្គការ​ណា​តូ និង​ការដាក់​ពង្រាយ​អាវុធ​នៅក្នុង​ប្រទេស​អ៊ុយ​ក្រែ​ន​ថា ​ជាបន្ទាត់ក្រហម​។

ប្រធានាធិបតី​រុស្សី​លោក វ្ល៉ា​ឌី​មៀ ពូ​ទីន បាន​ជំរុញឱ្យមាន​ការធានា​ពី​ប្រទេសលោកខាងលិច ដោយ​រារាំង​ការពង្រីក​ខ្លួន​របស់​អង្គការ​ណា​តូ​មកកាន់​ប្រទេស​អ៊ុយ​ក្រែ​ន។​ ​ប្រទេស​រុស្ស៊ី​បាន​បញ្ចូល​ឧបសម្ព័ន្ធឧបទ្វីប​គ្រី​មៀ​ របស់​ប្រទេស​អ៊ុយ​ក្រែ​ន​ក្នុង​ឆ្នាំ២០១៤។​ ​ការប្រយុទ្ធ​គ្នា​ដែល​បានចាប់ផ្តើម​ជាង ៧ឆ្នាំកន្លងមកបានសំលាប់​មនុស្ស​ជាង 14.000នាក់ និង​បំផ្លិចបំផ្លាញ​តំបន់​បេះដូង​ឧស្សាហកម្មរបស់​ប្រទេស​អ៊ុយ​ក្រែ​ន ដែល​ត្រូវបានគេ​ស្គាល់​ថា​តំបន់ Donbas៕