កម្លាំងសមត្ថកិច្ច​ ឃាត់ខ្លួន​ជន​ពាក់ព័ន្ធ​៨​នាក់​ ករណី​អំពើ​លួច​មាន​ស្ថាន​ទម្ងន់ទោស​ ដកហូតបាន​ ម៉ូតូ​ និង​ ផ្លាកលេខ​ មួយចំនួន

​ព្រះ​សីហ​នុ​ ៖​ នៅ​ថ្ងៃ​ទី​១៩​ ខែធ្នូ​ ឆ្នាំ​ ២០២១​ វេលា​ម៉ោង​ ០៩​ និង​០០​នាទី​ ការិយាល័យ​នគរបាល​ព្រហ្មទណ្ឌ​កម្រិត​ស្រាល​បាន​ទទួល​បណ្តឹង​ពី​ប្រជាពលរដ្ឋ​ម្នាក់​ថា​ ខ្លួន​បាន​បាត់​ម៉ូតូ​ ១​គ្រឿង​ ZOOMER​ X​ ឆ្នាំ​២០១៨​ ពណ៌​ស្វាយ​ ពាក់​ស្លាក​លេខ​ ព្រះ​សីហ​នុ​ 1G-6945​ ដែល​ចត​ទុក​នៅ​មុខ​បន្ទប់​ជួល​ ស្ថិត​នៅ​ ក្រុម​ទី​១៩​ ភូមិ​៥​ សង្កាត់​៤​ ក្រុង​-​ខេត្ត​ព្រះ​សីហ​នុ​ ។​

​បន្ទាប់​ពី​ទទួល​បណ្តឹង​រួច​ កម្លាំង​ជំនាញ​ផែនការ​ងារ​ព្រហ្មទណ្ឌ​ធ្វើការ​ស្រាវជ្រាវ​យ៉ាង​យកចិត្តទុកដាក់​ រហូត​ឈាន​ដល់​ការ​ឃាត់ខ្លួន​ជនសង្ស័យ​បាន​ចំនួន​ ០៨​នាក់​ ភេទ​ប្រុស​ ជនជាតិ​ខ្មែរ​ ជា​បន្តបន្ទាប់​ (​ក្នុង​នោះ​មាន​ជនសង្ស័យ​ចំនួន​ ៦​នាក់​ ពាក់ព័ន្ធ​នឹង​ករណី​ លួច​កាច់​បំបែក​សោ​រក​ម៉ូតូ​ ចំណែក​២​នាក់​ទៀត​ ពាក់ព័ន្ធ​នឹង​ ករណី​ ទទួលផល​ចោរកម្ម​)​ ។​

​ជន​រង​គ្រោះ​ឈ្មោះ​ សៀង​ ចាន់​ដា​ ភេទ​ប្រុស​ អាយុ​ ២៧​ឆ្នាំ​ ជនជាតិ​ខ្មែរ​ មុខរបរ​ ចុងភៅ​ មាន​ទីលំនៅ​ ភូមិ​៥​ សង្កាត់​៤​ ក្រុង​-​ខេត្ត​ព្រះ​សីហ​នុ​ ។​ +​សម្ភារ​បាត់បង់​៖​ -​ម៉ូតូ​ ១​គ្រឿង​ ម៉ាក​ ZOOMER​ X​ ស៊េរី​ឆ្នាំ​២០១៨​ ពណ៌​ស្វាយ​ លេខ​ទួ​ 5009840​ លេខ​ម៉ាស៊ីន​ 5009840​ ពាក់​ស្លាក​លេខ​ ព្រះ​សីហ​នុ​ 1G-6945​ ។​

​សម្ភារ​វត្ថុ​តាង​ចាប់​យក​បាន​ ៖​ -​ម៉ូតូ​ចំនួន​ ៦​គ្រឿង​ ម៉ាក​ ZOOMER​ X​ ៤​គ្រឿង​,​ ម៉ាក​ HONDA​ ICON​ ១​គ្រឿង​ និង​ SUZUKI​ MIO​ ១​គ្រឿង​,​ -​ស្លាក​លេខ​ម៉ូតូ​ ចំនួន​ ១២​ សន្លឹក​ ,​ -​កញ្ចក់​ម៉ូតូ​ ១​គូ​,​ -​កាង​ម៉ូតូ​ ១​ ។​

​ករណី​ខាងលើ​ ស្នងការដ្ឋាន​នគរបាល​ខេត្ត​សូម​ជូន​ព័ត៌មាន​ដល់​ជន​រង​គ្រោះ​ដែល​បាត់​ម៉ូតូ​ រួសរាន់​មក​ពិនិត្យ​ម៉ូតូ​ដែល​សមត្ថកិច្ច​ដកហូត​បាន​នៅ​ការិយាល័យ​ព្រហ្មទណ្ឌ​កំរិត​ស្រាល​ ។​ ចំណែក​ជនសង្ស័យ​ កម្លាំង​ជំនាញ​កសាង​សំណុំរឿង​បញ្ជូន​អនុវត្ត​បន្ត​តាម​នីតិវិធី​ ៕