អ្នកណាហ៊ាន? កូរ៉េខាងជើង ហាមមិនឲ្យប្រជាជនសើចនិងផឹកស្រា ច្រើនថ្ងៃ ក្នុងថ្ងៃខួប១០ឆ្នាំមរណភាពឪពុក គីម ជុងអ៊ុន

កូរ៉េខាងជើង៖ ដ្ឋាភិបាលប្រទេសកូរ៉េខាងជើង បានហាមឃាត់ប្រជាជនមិនឱ្យសើចរយៈពេល ១១ ថ្ងៃ ដែលជាផ្នែកមួយនៃការកាន់ទុក្ខដ៏យូរសម្រាប់ខួបលើកទី១០ នៃមរណភាពរបស់មេដឹកនាំរបស់ពួកគេគឺលោក Kim Jong Il ត្រូវជាឪពុករបស់លោក Kim Jong Un។ មិន​ត្រឹម​តែ​​ហាមឃាត់មិនឱ្យសើច​ប៉ុណ្ណោះ​ទេ ប៉ុន្តែ​ការ​បង្ហាញ​ភាព​សប្បាយ​រីក​រាយ ការ​ដើរ​ទិញ​ឥវ៉ាន់ និង​ផឹក​ស៊ី​ក៏​ត្រូវ​បាន​ហាម​ឃាត់​ដែរនេះបើយោងតាមសារព័ត៌មានក្នុងក្នុងរបស់កូរ៉េ។

 

ជាមួយគ្នានោះ ប្រជាពលរដ្ឋកូរ៉េខាង ក៏មិនត្រូវបានអនុញ្ញាតឱ្យចូលរួមក្នុងសកម្មភាពកម្សាន្តនោះទេ ហើយនៅថ្ងៃគម្រប់ខួបមរណភាពរបស់លោក Kim Jong Il តូបលក់គ្រឿងទេសក៏មិនត្រូវបានអនុញ្ញាតឱ្យដំណើរការផងដែរ។ មនុស្សដែលមិនមាន “ការកាន់ទុក្ខឱ្យបានគ្រប់គ្រាន់” ក៏នឹងត្រូវពិន័យ និងដកចេញ ឬយកទៅដាំតំឡូង។ ក្នុងនោះ ប្រជាពលរដ្ឋណាម្នាក់ ដែលត្រូវបានគេមើលឃើញថាបានបំពានច្បាប់ទាំងនេះអាចត្រូវបានដកចេញ ដោយគ្មានការព្រមានឡើយ និងចាត់ទុកជាឧក្រិដ្ឋជនមនោគមវិជ្ជា។សូមរំលឹកផងដែរថា លោក Kim Jong Il បានគ្រប់គ្រងប្រទេសកូរ៉េខាងជើងពីឆ្នាំ ១៩៩៤ ដល់ឆ្នាំ ២០១១ មុនពេលត្រូវបានស្នងរាជ្យបន្តដោយកូនប្រុសពៅរបស់លោកគឺលោក Kim Jong Un។ ការស្លាប់របស់អតីតមេដឹកនាំរូបនេះ ត្រូវបានចុះបញ្ជីនៅថ្ងៃទី១៧ ខែធ្នូឆ្នាំ ២០១១៕

ប្រភព៖ koreaboo